Lîstokên Jînda yên gelek xweşik hene. Her çiqes ku em lîstokên xweşik ên renga-reng didin ber wê jî, lê ev hirçoka me naxwaze bi van bilîze. Favorîyên wê tiştên teknîkî ne, wek mînak telefona destan û komandoya TVyê. Carinan tiştên metbaxê jî, wek mînak kêr, kefçî û beroşên mezin bala wê dikşînin.
Zarok di vî warî de gelek balkêş in. Ew qet mîna mezinan nafikirin. Ji ber ku hîn fêr nebûne ku daxwaz û tevgerên xwe li gor daxwaza an jî bandora civakê eyar bikin. Xema wan nîne ku li gor civatê çi xweş e an ne. Loma niha Hirçoka me li gor meraq û hewesa xwe azad dijî. Lê di nav çend salan de, mixaben, Jîndika me jî dê bêje: ”Dayê ji wê lîsoka teybet ji min re jî bikire, hevalên min hemûyan kirrîye”.
No comments:
Post a Comment